Сонымен… Бұл мақаланың басы, яғни «Жарнама туралы» «тесік» Заң һәм Алкогольсыз сыра" атты пост жеке блогымда былтырғы желтоқсанда жазылған болатын. ҚР парламенті Мәжілісінің депутаты М.Әбенов ағамыз осы жағдайға байланысты маған бастама көтеріп, көпшіліктің қолын жинап, ауқымды масштабта қозғалыс жасасам, онда Парламент қабырғасында бұл мәселенің әбден көтерілуі мүмкіндігін айтқан болатын. Бірақ менің қызметім журналистіктен мүлдем бөлек болғандықтан, басталған іс аяқталмаған күйі қалды. Қоғам да сол баяғы мамыражай тірлігімен қала берді. Дей тұра Атырау қаласының орталық көшелерінің тұсынан өтіп бара жатып, мына бір сорақы жарнаманы көріп, амал жоқ, осы мақаланы тағы жазып отырмын.

Көкейде жүрген мәселе еді… “Алкогольсыз сыра” деген желеумен арақ-шарапты жарнамалап тұрған биллбордтардың мәселесін айтамын. “Не істеуге болады екен осыған?” деген сұраққа басым қатып жүргенде, Асхаттың туйіті арқылы, жіптің бір ұшығы шықты. Ары қарай төмендегі әңгімелер тізбегін ұсынамын: